Maqolada natijaviylikka yo‘naltirilgan budjetlashtirishning (NYB) ijtimoiy-iqtisodiy mohiyati davlat moliyasi, «prinsipal–agent» va jamoat qiymati konsepsiyalari asosida tadqiq etilgan. Budjet islohotlari evolyutsiyasi hamda IHTTning 2018 va 2023-yillardagi so‘rov natijalari qiyosiy tahlil qilingan. NYBning mualliflik ta’rifi ishlab chiqilib, uning samarali faoliyat yuritishini belgilovchi o‘nta shart uch pog‘onali institutsional tizimda umumlashtirilgan. Natijalar O‘zbekistonda dasturiy budjetlashtirishni joriy etishning ustuvor yo‘nalishlarini asoslashga xizmat qiladi.