Tadqiqotda natijaviylikka yo‘naltirilgan byudjetlashtirishning (NYB) fiskal konsolidatsiya va davlat qarzi barqarorligini ta’minlashdagi institutsional ahamiyati o‘rganilgan. O‘nta mamlakatning 2021–2025 yillardagi byudjet taqchilligi va qarz ko‘rsatkichlari qiyosiy tahlil qilinib, fiskal moslashuvning uch xil holati tizimlashtirilgan. O‘zbekiston misolida qarzni barqarorlashtiruvchi taqchillikning shartli ssenariylari hisoblangan. Natijalar nominal iqtisodiy o‘sishning qarz yukiga sezilarli ta’sirini hamda byudjetdan tashqari majburiyatlarni baholash zarurligini ko‘rsatadi. NYBning to‘rt ta’sir kanali asosida amaliy takliflar shakllantirilgan.