Ushbu maqolada tijorat banklarining raqamli transformatsiyasi jarayoni, uning zarurati, asosiy yo‘nalishlari hamda bank xizmatlarini takomillashtirishdagi roli tahlil qilinadi. Raqamli texnologiyalar, jumladan, mobil bank xizmatlari, sun’iy intellekt, blokcheyn va bulutli texnologiyalarning bank tizimiga joriy etilishi banklar faoliyatining samaradorligini oshirishi, mijozlarga qulay va tezkor xizmat ko‘rsatishni ta’minlashi bilan ajralib turadi. Shuningdek, maqolada O‘zbekistonda tijorat banklarida olib borilayotgan raqamli islohotlar tahlil qilinib, ularning iqtisodiy samaradorligi va moliyaviy inklyuzivlikka ta’siri baholanadi. Xulosa qismida esa raqamli transformatsiyani chuqurlashtirish bo‘yicha amaliy takliflar ilgari suriladi.