So‘nggi yillarda bank sektorida Big Data texnologiyalari raqamli transformatsiyaning muhim omillaridan biri sifatida shakllanmoqda. Ushbu tadqiqot tijorat banklarida katta ma’lumotlarni qayta ishlashning kredit risklarini boshqarish, mijozlar bilan ishlash samaradorligini oshirish va moliyaviy inklyuzivlikni kengaytirishdagi o‘rni va ahamiyatini tahlil qiladi. G‘arb va mintaqaviy tajribalar asosida sun’iy intellekt hamda alternativ skoring modellari yordamida kredit layoqatini baholash imkoniyatlari ochib berilgan. Shuningdek, O‘zbekiston sharoitida Big Data texnologiyalarini joriy etish istiqbollari va ularning milliy bank tizimiga ta’siri ko‘rib chiqiladi.