Мақолада Ўзбекистонда давлат-хусусий шериклик (ДХШ) лойиҳаларини бошқариш механизмларини такомиллаштиришнинг долзарблиги ёритилган. Иқтисодиётда туб ислоҳотлар жараёнида инфратузилмавий ривожланиш, давлат харажатларини оптималлаштириш ва хусусий сектор иштирокини кенгайтириш масалалари тадқиқ этилган. Мавжуд илмий манбалар ва хорижий тажрибалар таҳлил қилинган ҳолда ДХШ лойиҳаларини амалга оширишда юзага келадиган рисклар, молиялаштиришдаги чекловлар ва институционал муаммолар баҳоланган. Мақолада рақамли технологиялардан самарали фойдаланиш, шаффофликни таъминлаш ва халқаро тажрибани миллий амалиётга мослаштириш йўналишлари алоҳида аҳамиятга эга экани қайд этилган.